लमजुङ । आज बिहान गएको पहिरोले घर पुरिँदा लमजुङको मध्यनेपाल नगरपालिका–७ भाटवेशीमा एकैघरका दुईजनाको मृत्यु भएको छ ।

घर पुरिँदा ५९ वर्षीय टिकबहादुर विक र उनकी छोरी विनिता विकको मृत्यु भएको प्रहरीले जनाएको छ । घरमाथि रहेको नगरकुलो भत्केपछि पहिरोले दुईतले कच्ची घर पुरेको थियो ।

घटनामा विककी श्रीमती सुकमाया र जेठी छोरी अस्मिता घाइते भएको प्रहरीले बताएको छ । घाइतेलाई उद्धार गरी उपचारका लागि अस्पताल पठाइएको छ ।