काठमाडौं । गोरखाका नगरपालिका-११ बाह्रकिलोमा बस दुर्घटना हुँदा २१ जना घाइते भएका छन्।

गोरखाबाट चितवनको नारायणगढतर्फ जाँदै गरेको ना. ४ ख. १४१९ नम्बरको मिनिबस दुर्घटना हुँदा २१ जना घाइते भएको प्रहरीले जनाएको छ।

आइतबार दिउँसो गोरखा सदरमुकामबाट छुटेको यात्रु बस अनियन्त्रित भएर सडकबाट ५० मिटर तल खसेर रुखमा ठोक्किएको हो।

दुर्घटनापछि स्थानीय, सशस्त्र प्रहरी र जनपथ प्रहरीको संयुक्त टोलीले घाइतेको उद्वार गरेको छ।