निर्वाचनमा ४० मुनिका युवालाई समावेश गर्न माग गर्दै सानेपामा प्रदर्शन (तस्बिरसहित)

No ads found for this position
No ads found for this position

काठमाडौं । नियमित महाधिवेशनको माग गर्दै कांग्रेस पार्टी कार्यालय सानेपामा प्रदर्शन भएको छ ।

आईतबार दिउँसो सानेपास्थित नेपाली कांग्रेसको पार्टी केन्द्रीय कार्यालयमा नेपाल विद्यार्थी संघसहितका पार्टीका कार्यकर्ताहरुले प्रदर्शन गरेका हुन् ।

उनीहरुले युवाहरुको प्रतिनिधित्व सुनिश्चित गर्न, नेपाली कांग्रेस र हरेक तहको निर्वाचनमा ४० मुनिका ४० प्रतिशत युवालाई समावेश गर्न माग गर्दै प्रदर्शन भएको छ । प्रदर्शनका क्रममा बोल्दै नेविसंघ सदस्य भुवन भट्टले नेपाली कांग्रेस सुधार अभियान चलाएको बताए ।

कांग्रेस सुधार र रुपान्तरणको मुद्दा आफूहरुले उठाउन खोजेको उनले बताए । नवयुवाको परिवर्तनको आकांक्षालाई नजरअन्दाज गर्न नमिल्ने उनले बताए । समयसापेक्षरुपमा आफूलाई परिवर्तन गर्दै जानुपर्ने उनको भनाइ छ ।

उनले मुलुकलाई नेतृत्व गर्नुपर्ने कांग्रेस आज पार्टीभित्रै रुमल्लिएको बताए । कांग्रेसका युवाहरुले उठाएको आवाजलाई नजरअन्दाज नगर्न उनले चेतावनी दिए । तत्काल पार्टीको नियमित महाधिवेशन घोषणा गर्ने र पार्टीमा आम कार्यकर्ताको भावना समेटेर अघि बढ्नुपर्ने उनले माग गरे ।



प्रतिक्रिया

Leave a Reply

Your email address will not be published. Required fields are marked *