काठमाडौं । अमेरिकी दूतावासले जेनजीले नेपालमा भएको दुखद घटनाक्रमपछि शान्ति-सुरक्षा पुनर्बहाली भएकोप्रति खुसी व्यक्त गरेको छ ।

दूतावासले विज्ञप्ति जारी गर्दै अन्तरिम सरकारका नवनियुक्त प्रधानमन्त्री सुशीला कार्कीसँग सहकार्य गर्न चाहेको बताएको छ ।

दूतावासको विज्ञप्तिमा राष्ट्रपति रामचन्द्र पौडेल र युवा नेताहरूले प्रजातान्त्रिक समाधानका निम्ति प्रतिबद्धता प्रस्तुत गरेको भन्दै सराहना गरिएको छ । यस्तै नेपाली सेनाका प्रधानसेनापति अशोकराज सिग्देलको उच्च प्रशंसा गरिएको छ ।

विज्ञप्तिमा भनिएको छ, ‘शान्ति बहाली गर्ने र नागरिक सरकार गठनमार्फत शान्तिपूर्ण निकास निकाल्न सहजीकरण गर्ने कार्यमा नेपाली सेना र प्रधानसेनापति अशोक राज सिग्देलको महत्त्वपूर्ण भूमिकाको हामी उच्च कदर गर्छौँ ।’