चितवन । सुक्खा पहिरोले नारायणगढ–मुग्लिन सडकखण्ड अवरुद्ध भएको छ ।

नारायणगढ मुग्लिन सडक खण्डको तुइन खोलामा सुख्खा पहिरो खस्दा बाटो पूर्ण बन्द भएको हो । जिल्ला प्रहरी कार्यालय चितवनका अनुसार आज बिहान ४ बजेर २० मिनेट जाँदा माथिबाट खसेको ठूला ठूला ढुङ्गा सहितको पहिरोले बाटो बन्द भएको हो ।

पहिरोका कारण अहिले चितवन भएर नारायणगढतर्फ जाने र मुग्लिन हुँदै चितवनतर्फ आउने सबै सवारी साधन रोकिएका छन् । ठूला ठूला ढुङ्गा खसेकोले पहिरो पन्छाउन केही समय लाग्ने प्रहरीले जनाएको छ ।

प्रहरीका अनुसार अहिले डिभिजन सडक कार्यालयसँग समन्वय गरि पहिरो पन्छाउने काम भइरहेको जानकारी छ ।