नेपालको चुच्चे नक्सालाई बुच्चे बनाएकोमा बालेन साहले रद्द गरे ५ दिने चीन भ्रमण
नागरिक प्रेस १४ भदौ २०८०
काठमाडौं- काठमाडौं महानगरपालिकाका मेयर बालेन साहले आफ्नो ५ दिने चीन भ्रमण रद्ध गरेको घोसणा गरेका छन् ।
चीनले भर्खरैमात्र सार्वजनिक गरेको नक्सामा नेपालको चुच्चे नक्सा हटाएर बुच्चे नक्सा राखेको भन्दै उनले चीन भ्रमण रद्द गरेका हुन् । साहले फेसबुकमार्फत यस्तो जानकारी दिएका हन् ।
उनले सामाजिक सञ्जाल फेसबुकमा यस्तो लेखेका छन्-
-हामी नेपालले २०७७ साल जेठ ७ मा लिपुलेक, लिम्पियाधुरा र कालापानीलाई समेटेर नयाँ चुच्चे नक्सा निकालेका थियौ।
-केही दिन पहिले चीनको प्राकृतिक स्रोत मन्त्रालयले उक्त स्थानलाई हटाएर पहिलेको बुच्चे नक्सालाई कायम गरेर नेपालको नक्सा सार्वजनिक गरेको छ ।
-नेपाली भूभागलाई चीनले नेपाललाई नै नसोधी भारतको देखाउनु हाम्रो संवेदनशीलतामाथि चालेको गलत कदम मानेका छौ ।
-त्यसैले आज मेरो, चीनको निमन्त्रणामा हुदैगरेको ५ दिने भ्रमण नैतिकताको आधारमा नजाने निर्णय गरेको छु ।
