काठमाडौं। राष्ट्रिय स्वतन्त्र पार्टी (रास्वपा)का नेता सन्तोष परियारले पार्टी परित्याग गरेका छन्। रास्वपा परित्याग गरेका परियार माओवादी केन्द्रका नेता जनार्दन शर्माको टिमसँग जोडिएका छन् ।

माओवादी केन्द्र विघटनपछि जनार्दनले नयाँ टिम बनाउँदैछन् । उक्त टिममा पिरयारलाई पनि समाबेस गरि दत दर्ताको तयारी गरिएको छ । नयाँ दलमा परियारलाई महत्त्वपूर्ण जिम्मेवारी दिइने स्रोतले बताएको छ ।

जनार्दनको टिममा माओवादीका सुदन किराँती, राम कार्की, मदन भट्टराई, मदन लिम्बु, संझना राई, पुजन सिंह, अरविन्द यादव, लक्ष्मि गुरुङ लगायत नेताहरू छन् ।

परियारले आफ्नो राजीनामा पत्रमा पार्टीप्रति कुनै असन्तुष्टि पोखेका छैनन् ।

परियारले आफूले पार्टी र देशका हितका लागि इमानदार रूपमा काम गरे पनि पार्टीभित्र आवश्यक विचार बहसलाई स्थापित गर्न नसकेकोमा आत्मसमीक्षा गर्दै कमजोरी स्वीकार गरेका छन् ।