बागलुङ। जिल्लाभर ५३२ जनालाई डेङ्गी सङ्क्रमण भएपछि जिल्लाको बरेङ गाउँपालिकाबाहेक सबै पालिकामा सङ्क्रमित देखा परेको प्रदेश जनस्वास्थ्य कार्यालय बागलुङले जनाएको छ।

जिल्लामा सबैभन्दा बढी बागलुङ नगरपालिका र सबैभन्दा कम तमानखोला गाउँपालिकामा सङ्क्रमित रहेको कार्यालयले जनाएको छ।

बागलुङमा २९५ र तमानखोलामा एक जनामा डेङ्गी सङ्क्रमित देखा परेको छ । सङ्क्रमण बढ्दै गएपछि लक्षण देखिएका बिरामीको दशवटै पालिकामा परीक्षण गरिएको छ ।

दसैँ र तिहारपछि सङ्क्रमितको सङ्ख्या बढेको कार्यालयले बताएको छ ।

सङ्क्रमितको अहिले अस्पताल र प्राथमिक स्वास्थ्य केन्द्रमा उपचारको व्यवस्था मिलाइएको छ।