पर्वतारोहण संघमा फेक रेस्क्युका मतियार शेर्पा र पौडेलको उम्मेदवारी, मतदाता निराश
नागरिक प्रेस ३ भदौ २०८२
काठमाडौं । नेपाल पर्वतारोहण संघको महाधिवेशनमा उम्मेदहरुलेवारीले मनोनयन दर्ता गरी सकेका छन् ।
भदौ ७ गते हुने निर्वाचनमा फेक रेस्क्यूमा संलग्न फुर्वा ग्याल्जेन शेर्पाले अध्यक्ष पदमा र अर्का आरोपि इश्वरी पौडेलले उपाध्यक्षमा उम्मेदवारी दिएका छन् ।
नेपालको पर्यटन क्षेत्रको वदनाम गराउने मुख्य व्यक्तिले मनोनयन गरेको भन्दै सदस्यहरूमा चर्को विरोध हुन थालेको छ । यी दुवै व्यक्तिले मनोनयन गरेसँगै प्रत्याशीको रूपमा रहेको कुलबहादुर गुरुङ समूहको जीत लगभग पक्का जस्तै भएको छ ।
पर्यटन क्षेत्रलाई ध्वस्त बनाउनेहरूलाई पर्वतारोहण संघ जिम्मा दिने कुरै भएन एक सदस्यले भने, यी व्यक्तिहरूकै बदमासीले गर्दा नेपाल विश्वभर रेड जोन सूचिमा परेकाले बिमा महँगो हुँदा पर्वतीय पर्यटकको सङ्ख्या घट्दो क्रममा रहेको उनले आरोप लगाए ।
नेपालमा फेक रेस्क्यू धन्दा फैलिएको विदेशी पर्यटकहरूको गुनासोसँगै तत्कालीन पर्यटन मन्त्री स्वर्गीय रवीन्द्र अधिकारीले फेक रेस्क्युसम्बन्धी अध्ययन गर्न मन्त्रालयका तत्कालीन सहसचिव तथा हाल नेपाल सरकारका सचिव घनश्याम उपाध्याय नेतृत्वमा समिति गठन गरेको थियो ।
उक्त छानबिन समितिले दिएको प्रतिवेदनमा माउन्ट कैलाश हेलिकप्टर र अल्टिच्यूड एयर हेलिकप्टर समेतको संलग्नता देखिएको भन्दै कारबाहीका लागि सिफारिस गरेको थियो । हाल अध्यक्ष पदका प्रत्याशी शेर्पा त्यस समयमा अल्टिच्यूड एयरका निर्देशक थिए हाल उनी हेली एभरेस्टका सञ्चालक छन् भने पौडेल माउन्ट कैलाशका मुख्य सञ्चालक हुन् ।
फेक रेस्क्यू गर्न उनीहरूले कैलाश हेली चार्टर, हेली कनेक्सन लगायतका विभिन्न कम्पनी खोलेर १० गुणा बढी बिल पेस गरी विदेशी पर्यटक ठगी गर्ने गरेको आरोप छ ।
ट्रेकिङ कम्पनी, गाइड, होटेल सञ्चालक, हेलिकप्टर कम्पनी र अस्पताल समेत एकै व्यक्तिहरूको रेटिङमा विदेशी पर्यटकलाई खानामा डायरिया हुने औषधीसँगै वेगिन पाउडर बढी खान बाध्य बनाएर डायरिया बनाउने र कम्जोर भएपछि बिच बाटोमै बिरामी बनाएर फर्काउने अनि चर्को शुल्क असुल्ने गरेका थिए ।
मन्त्रालयले गठन गरेको समितिले यो घटनालाई फेक रेस्क्यू भनेर भनेको थियो । यसरी वदमासी गरी विदेशी माथि करोडौँ रुपैयाँ ठगी गर्ने गरेपछि फेक रेस्क्यूको घटना संसारभर फैलिएको थियो भने नेपालको पर्यटन क्षेत्र बदनाम मात्र नभएर इराक र इरानको जस्तै रेड जोनमा पारेको थियो । तर राजनीतिक दवावले गर्दा यो समितिले पेस गरेको प्रतिवेदन कार्यान्वयन भने हुन सकेको छैन र उनीहरूले उन्मुक्ति पाइरहेका छन् । पौडेल योगेश भट्टराईसँग निकट छन् भने शेर्पा राप्रपा हुँदै हाल अवसरसँग पार्टीसँग निकट हुने गरेका छन् ।
तत्कालीन पर्यटन मन्त्री योगेश भट्टराईले उनै पर्वतारोहण संघ हाँक्न उम्मेदवारी दिएका फुर्वा गेल्जेन शेर्पा र इश्वरी पौडेललाई नेपाल बायु सेवा निगमको सञ्चालक समितिमा समेत नियुक्त गरेको थियो । त्यसताका यी दुवै जनाले नेपाल एयरलाइन्सलाई निजीकरण गर्नु पर्ने एजेन्डा समेत समितिमा पेस भएपछि यसको आलोचना भएको थियो ।
निगमको छवि बिगार्ने र निजी जहाज कम्पनीको स्वार्थमा काम गरेको भन्दै शेर्पा र पौडेललाई सञ्चालक समितिबाटै हटाउनु पर्ने समेतको माग भएको थियो र कार्यकालभर विवादास्पद बनेका थिए ।
