काठमाडौं । नेकपा (एमाले)का सचिव तथा सांसद योगेश भट्टराईले उपसभामुख इन्दिरा रानालाई हटाउन खाली कागजमा हस्ताक्षर गरेको बताएका छन् ।

मंगलबार सिंहदरबारमा सञ्चारकर्मीहरूसँग कुरा गर्दै भट्टराईले उपसभामुखलाई हटाउन खाली कागजमा हस्ताक्षर संकलन भइरहेको बताए ।

हस्ताक्षर संकलन पूरानो चलन भएको उनले बताए।

उनले भने,’कुनै बेला अपर्झट प्रस्तावहरू केही दर्ता गर्नुपर्ने हुन्छ । त्यतिबेला माननीयहरू कोही विदेश गएका हुन्छन्, कोही काठमाडौं बाहिर हुन्छन् । त्यस्तो बेलामा प्रयोग गर्न पूर्वतयारीका लागि हस्ताक्षर लिएर राखिन्छ।’

भट्टराईले यो कुनै नौलो र ठूलो कुरा नभएको बताए । उनले भने, ‘यो २०४८ सालदेखि नै चलेको चलन हो । हाम्रो जस्तो संसदीय अभ्यास भएका मुलुकहरुमा जहाँ पनि चल्छ ।’