काठमाडौँ । शिक्षा, विज्ञान तथा प्रविधिमन्त्री महावीर पुनले देशभरका विद्यालयमा व्याप्त मनपरी, बेथिति, भ्रष्टाचार र राजनीतिकरण अन्त्य गर्न स्थानीय अभिभावकहरू एकजुट भएर आन्दोलनमा उत्रनुपर्ने बताएका छन्।

अभिभावकहरूको दबाब र कडा चेतावनीबिना विद्यालय क्षेत्रमा अपेक्षित सुधार सम्भव नहुने उनको भनाइ छ।

‘शिक्षा मन्त्रालयले काठमाडौँबाट मात्र निर्देशन दिएर देशभरका विद्यालय सुधार गर्न सम्भव छैन,’ सामाजिक सञ्जाल फेसबुकमा उनले भने, ‘स्थानीय स्तरमै अभिभावकहरू जागरुक हुन जरुरी छ।’

आफ्ना छोराछोरीको भविष्य सुरक्षित गर्न अभिभावकहरूले विद्यालय व्यवस्थापन, शिक्षक नियुक्ति, शैक्षिक गुणस्तर र आर्थिक पारदर्शितामाथि निगरानी बढाउनुपर्ने मन्त्री पुनले बताए।