काठमाडौं । नेकपा एमालेका नेता गोकुल बाँस्कोटाले आफूहरू जनतामा लोकप्रिय छौँ भन्ने भ्रममा रहेको भन्दै वास्तवमा नेताको मात्रै प्रिय भएको स्वीकार गरेका छन् ।

प्रतिनिधिसभा निर्वाचनको परिणामलाई लिएर सामाजिक सञ्जालमालेख्दै उनले पार्टीको सङ्गठनात्मक ढाँचामा आएको ह्रासप्रति व्यङ्ग्य गर्दै पिरामिड जस्तो बलियो संरचनालाई फुली थप्ने लोभमा सोली जस्तो बनाइएको टिप्पणी गरे।

उनले लेखेका छन्,‘नोष्टालजिक हुने गरी पार्टी जीवनका उकाली ओरालीको फ्ल्यास ब्याक पल्टाउन तयार हुनासाथ रि–भिजन,रि–थिङ्क,रि–स्ट्रक्चरिङ र रिनोभेट सामान्य रूपमै भइहाल्छ। पिरामिड थियो,फुली थप्न सोली बनायौ। लोकप्रिय छौं भनेको नेताको मात्रै प्रिय भइएछ। समयले सुधारेन भने डाईनोसर बनिएला क्यार्नु त ? डोन्टओरी!’