काठमाडौं । शोक प्रस्ताव पारित गर्दै राष्ट्रिय सभाको बैठक स्थगित भएको छ ।

आईतबार सिंहदरबारमा बसेको चालु अधिवेशनको पहिलो बैठक शोक प्रस्ताव पारित गरेको सकिएको हो ।

बैठकमा राष्ट्रिय सभा अध्यक्ष नारायणप्रसाद दाहालले अधिवेशन आह्वानसम्बन्धी राष्ट्रपतिबाट प्राप्त पत्रको ब्यहोरा जानकारी गराए। साथै उनले राष्ट्रिय सभा सदस्य बलदेव बोहराको निधनमा शोक प्रस्ताव प्रस्तुत गरे ।

प्रस्तावलाई सभाले सर्वसम्मत पारित गर्दै उनको निधनमा एक मिनेट मौन धारण समेत गर्‍यो । शोक प्रस्ताव पारित भएसँगै राष्ट्रिय सभाको अर्को बैठक माघ ९ गतेका लागि बोलाइएको छ ।