काठमाडौं । नेपाली बजारमा सुन र चाँदीको मूल्य हालसम्मकै उच्च विन्दुमा पुगेको छ।

नेपाल सुन-चाँदी व्यवसायी महासंघका अनुसार बुधबार ९ सय रुपैयाँले बढेर प्रतितोला सुनको मूल्य २ लाख ६८ हजार १ सय पुगेको हो। यो हालसम्मकै उच्च मूल्य हो।

यसअघि मंगलबार ५ हजार ५ सय रुपैयाँले बढेर १ तोला सुनको मूल्य २ लाख ६७ हजार २ सय पुगेको थियो।

यस्तै चाँदीको मूल्यले पनि ऐतिहासिक रेकर्ड कायम गरेको छ। यसदिन १६५ रुपैयाँले बढेर प्रतितोला चाँदीको मूल्य ४ हजार ४२० रुपैयाँ पुगेको छ।

मंगलबार प्रतितोला चाँदी ४ हजार २५५ रुपैयाँमा खरिदबिक्री भएको थियो।