काठमाडौं । कालीमाटी फलफूल तथा तरकारी बजारमा ल्याइएको रायो सागमा ९९.०८ प्रतिशत विषादी भेटिएको छ ।

बिक्रीका लागि मंगलबार ल्याइएको रायो सागमा ९९.०८ प्रतिशत ‘अर्गानोफस्फेट’ नामक विषादी भेटिएको कालीमाटी फलफूल तथा तरकारी बजार विकास समितिले जनाएको छ ।

विषादीको मात्रा धेरै भेटिएको उक्त रायो साग उपभोग गर्न पूर्ण अयोग्य रहेको समितिले जनाइएको छ ।

मंगलबार केन्द्रीय कृषि प्रयोगशालाले कालीमाटी तरकारी बजारका तरकारी तथा फलफूल परीक्षण गरेको थियो । परीक्षण क्रममा सागमा उक्त मात्रामा विषादी भेटिएको हो ।

तरकारी तथा फलफूलमा अर्गानोफस्फेट ३५ प्रतिशत भन्दा कम हुँदा मात्रै उपभोगयोग्य मानेको छ ।