काठमाडौं । नेपाली बजारमा आज सुनको मूल्य १ हजार ७ सय रुपैयाँले घटेको छ। अघिल्लो दिन सोमबार १ हजार ९ सय रुपैयाँले बढेर उच्च विन्दुमा पुगेको सुन आज १ हजार ७ सय रुपैयाँले घटेको हो।

नेपाल सुन-चाँदी व्यवसायी महासंघका अनुसार मंगलबार १७ सय रुपैयाँले घटेर १ तोला सुनको मूल्य २ लाख ५९ हजार कायम भएको हो। सोमबार एक तोला सुनको भाउ २ लाख ६० हजार ७ सय थियो।

सुनको मूल्य घटे पनि चाँदीको भाउ भने वृद्धि भएको छ। महासंघका अनुसार १ तोला चाँदीको मूल्य ३ हजार ८८५ रुपैयाँ तोकिएको छ। सोही परिमाणको चाँदी सोमबार ३ हजार ८७० रुपैयाँमा खरिदबिक्री भएको थियो।