काठमाडौं– प्रधानमन्त्री सुशीला कार्कीलाई विभिन्न मागसहित माग पत्र बुझाउन सिंहदरबार पुगेका मिराज ढुंगाना नेतृत्वको जेनजी समूहलाई प्रवेशमा रोक लगाइएको छ ।

मंगलबार सिंहदरबार प्रवेश गर्न लागेका मिराज ढुंगानासहित जेनजीलाई प्रहरीले धकेल्दै अनामनगर पुल कटाएको थियो । हिजो अपरान्ह पनि २१ वटा जेनजी समूह पुगेकोमा भित्र छिर्न नदिएपछि दक्षिण गेटमा मागपत्र टाँसेर फर्किएका थिए ।

जेनजी समूहलाई प्रवेशमा रोक लगाएपछि सरकारले प्रहरी लगाएर युवाहरूको आवाज दमन गरेको भन्दै प्रधानमन्त्रीविरुद्ध नाराबाजी गरे ।