काठमाडौं। नेपाल प्रहरीको जनपद समूह अन्तर्गत रिक्त रहेको प्रहरी अतिरिक्त महानिरीक्षक पदका लागि प्रहरी नायव महानिरीक्षक ईश्वर कार्कीको नाम सिफारिस गरिएको छ ।

बढुवा समितिको सचिवालयले २०८२ कात्तिक २८ गते बसेको बैठकको निर्णयअनुसार कार्कीलाई शुक्रबार प्रहरी अतिरिक्त महानिरीक्षक पदका लागि सिफारिस गरेको हो ।

यसअघि काठमाडौं उपत्यकाका प्रमुख दानबहादुर कार्कीलाई प्रहरी महानिरीक्षकको जिम्मेवारी दिइएपछि एआईजीको पद रिक्त भएको थियो।

कार्की हाल कोशी प्रदेश प्रहरी कार्यालय, विराटनगरमा कार्यरत छन्।