गोरखा । गोरखाको सिरानचोक गाउँपालिकामा शनिबार राति माइक्रोबस दुर्घटना हुदाँ १७ जना घाइते भएका छन् ।

अजिरकोटको भच्चेकबाट चितवनतर्फ जाँदै गरेको बा ४ ख ६०४३ नम्बरको माइक्रोबस ब्रेक फेल भएर अनियन्त्रित भई भित्तामा ठोक्किँदा दुर्घटना भएको प्रहरीले बताएको छ ।

घाइतेमध्ये केहि अवस्था गम्भीर भएकाले चितवनको भरतपुर रिफर गरिएको छ भने केहि घाइतेको प्रदेश अस्पताल गोरखमा उपचार भइरहेको छ।

माइक्रोबसमा सवार १९ जनामध्ये १७ जना घाइते भएका छन् । घटना लगत्तै जिल्ला प्रहरी कार्यालय गोरखाको प्रहरी टोली घटनस्थल पुगी घाइतेको उद्धार गरेको प्रहरीको भनाइ छ ।

घटनाको अनुसन्धान भइरहेको र माइक्रोबस चालक चितनको खैरनी – १० कट्ठारका गोबिन्द भण्डारीलाई नियन्त्रणमा लिएको प्रहरीले जनाएको छ ।