प्रचण्डसँग असन्तुष्टि रहेका शर्माले आज विशेष पत्रकार सम्मेलन गर्दै
काठमाडौं । पुष्पकमल दाहाल प्रचण्डसँग असन्तुष्टि रहेका नेकपा माओवादी केन्द्रका उपमहासचिव जनार्दन शर्माले आज विशेष पत्रकार सम्मेलन गर्दैछन्। कार्यक्रम ललितपुरको सत्कार क्याफेमा दिउँसो २:३० बजे हुने जनाइएको छ।
प्रचण्डले आज नेकपा एकीकृत समाजवादीलगायतका आठ दलसँग एकताको अनुमोदन गर्दैछ। यस निर्णयमा शर्माले असन्तुष्टि जनाउँदै आएका छन्। उनले एकीकृत समाजवादीसँगको पार्टी एकता स्वीकार्य नभएको बताएका छन्।
असन्तुष्टि शर्माले माओवादीको बैठकमा पनि उपस्थित भएका छैनन्। यसअघिको बैठकमा उनले आफ्नो कुरा राखेर बाहिरिएका थिए।
प्रचण्डले शर्मालाई अराजक व्यवहार गरेको आरोप लगाएका छन्। शनिबार बसेको पार्टीको सचिवालय बैठकपछि सञ्चारकर्मीहरुसँग कुरा गर्दै उनले बैठक राम्रोसँग चलिरहेका बेला आफ्ना कुरा राखेर शर्मा अराजक शैली देखाउँदै निस्किएको बताएका थिए।


