सोलुखुम्बु । सगरमाथाको आधार शिविर रहेको सोलुखुम्बुको लोबुचेमा आज बिहान अल्टिच्युट एयरको हेलिकोप्टर दुर्घटना भएको छ।

लुक्लाबाट बिहानै विदेशी पर्यटक लिन गएको हेलिकप्टर लोबुचो हेलिप्याडमा अवतरण गर्ने क्रममा हिउँमा चिप्लिएर दुर्घटना भएको हो । पाइलट विवेक खड्का भने सकुशल रहेको प्रहरीले जनाएको छ ।

हेलिकप्टरमा कुनै मानवीय क्षति भने नभएको प्रहरीले बताएको छ ।

पाइलट खड्कालाई कैलास एयरको हेलिमार्फत लुक्ला ल्याइएको छ। हेलिकप्टरमा आगजनी नभएको र पल्टिएको अवस्थामा सामान्य रहेको छ ।

खुम्बुमा बाक्लो हिउँ परेका कारण विहानैदेखि हेलिकप्टरले पर्यटकको उद्धार गर्दै आएको थियो ।

तस्बिर : जिल्ला प्रहरी कार्यालय