इलाम । दुई दिन देखि आएको अविरल वर्षापछि आएको पहिरोमा परी घाइते भएका दुई जनालाइ नेपाली सेनाको हेलिकप्टरले उद्धार गरेको छ ।

इलामको माङ्सेबुङस्थित गजुरमुखीबाट गम्भीर अवस्थाका एक महिला र एक पुरुषलाई नेपाली सेनाको हेलिकप्टरले उद्धार उपचारका लागि लगिएको छ ।

घाइतेमध्ये महिला गर्भवती रहेको जनाइएको छ ।

यता गए रातिको बाढी पहिरोमा परी सूर्योदय –१ मानेभञ्ज्याङमा पाँच, इलाम नगरपालिका –६ मा ६ जना, माङ्सेबुङ –१ गजुरमुखीमा तीन जनाको ज्यान गएको छ । वर्षाको कारण जिल्लाभर भएको मानवीय क्षतिको अझै विवरण आउन बाँकी रहेको छ ।