काठमाडौं । नेपाल सरकारले अध्यादेशमार्फत निर्वाचन कानून संशोधन गर्ने भएको छ ।  कानून संशोधन गरेर नयाँ मतदाता नामावली संकलन गर्ने भएको हो ।

गृहमन्त्री ओमप्रकाश अर्यालले निर्वाचन आयोगका कार्यवाहक प्रमुख आयुक्त रामप्रसाद भण्डारीसहित पदाधिकारीसँगको भेटि यस विषयमा छलफल गरेका हुन् ।

जेनजीहरूको आन्दोलबाट यो सरकार र नयाँ निर्वाचनको अवस्था सिर्जना भएको भन्दै गृहमन्त्रीले उनीहरूलाई बाहिर राखेर निर्वाचन गर्न नसकिने बताए ।

उनले १८ वर्ष उमेर पुगेका र मतदाता नामावलीमा नरहेकाहरूको माग बमोजिम उनीहरूको मतदानको अधिकार सुनिश्चित गर्न कानून संशोधन आवश्यक रहेको बताए ।

निर्वाचनको मिति घोषणा भएपछि मतदाता थप्न नमिल्ने विद्यमान कानून छ ।