काठमाडौं । चीनको सियान जसरी पर्यटकको लागि प्रसिद्ध छ त्यासरिनै पछिल्लो समय खेलकुदको लागि पनि उत्तिकै लोकप्रिय बन्दै गएको छ ।

उत्तर पश्चिम चीनमा बनेको’सियान अन्तर्राष्ट्रिय फुटबल रङ्गशाला’ यो फिफा मापदण्ड अनुसार बनेको उत्कृष्ट रङ्गशाला हो । जहाँ राष्ट्रिय तथा अन्तर्राष्ट्रिय खेलहरू हुन्छन् । उक्त रङ्गशालामा उच्च स्तरको एलईडी जडित गरी आकर्षक डिजाइनमा निर्माण गरिएको छ।

शान्सी कन्स्ट्रक्सन कम्पनी लिमिटेडद्वारा निर्माण गरिएको उक्त रङ्गशाला २ लाख ६८ हजार वर्ग मिटर क्षेत्रफलमा फैलिएको छ । उक्त रङ्गशाला फिफा मापदण्ड अनुसार बनेको कम्पनीले जनाएको छ । यहाँ एसियाली कप छनोट र चिनियाँ यु २२ पुरुष राष्ट्रिय फुटबल टोलीका खेलहरू हुनेछन् । उक्त रङ्गशालामा पहिलो पटक सियान अन्तर्राष्ट्रिय फुटबल केन्द्रको प्रमुख अन्तर्राष्ट्रिय खेलद्वारा परीक्षण गरिने भएको छ।

आकर्षक डिजाइनमा बनाइएको रङ्गशालामा विश्व स्तरको अडियो र भिडियो प्रणाली जडान गरिएको छ । यो रङ्गशालामा एकै पटकमा ६० हजार दर्शकले खेल हेर्न सक्नेछन् ।

विभिन्न कला र बस्तुमा सझाएर बनाइएको रङ्गशाला चराको पखेटा जस्तो आकारमा सजाइएर बनाइएको छ भने उक्त रङ्गशाको छानो डुङ्गाले छाएको जस्तो आकर्षक देख्न सकिन्छ ।

छिद्रित एल्युमिनियम प्यानलहरूले सजिएको उक्त रङ्गशाला प्राचीन सहरको पर्खालहरूको चन्द्रमाको पृष्ठभूमिको पूरक हो। यसको बाहिरी मोहडाले चाङआन वास्तुकलाको व्यवस्थित सौन्दर्यलाई मूर्त रूप दिन्छ भने ताङ राजवंशको भावनालाई आधुनिक वास्तुकलामा एकीकृत गर्दछ।

रङ्गशालाको उत्तरी मोहडामा टेरा कोटा योद्धाको रङ्गको अनुकरण गर्दै सिन्दूर टेरा कोटा प्यानलहरू जडित गरिएको छ। ८७ मिटर स्टिल बीम र १ सय ८६ इन्टरलकिङ जोइन्टहरू सहितको यो प्यारा मेट्रिक डिजाइनले सूर्यको प्रकाशमा तरल धातुको प्रभाव सिर्जना गर्छ।

१५-मिटर अग्लो इभहरू तल जडित गरिएका एलईडी लाइट स्वट्रिपहरूले रातमा ग्लेज्ड-ग्लास जस्तो प्रभाव सिर्जना गर्छन्, जसले चन्द्रमाको प्रकाशलाई पूरक बनाउँछ।