काठमाडौं। शाङ्घाई सहयोग संगठन (एससीओ) शिखर सम्मेलनको अवसरमा भारतीय प्रधानमन्त्री नरेन्द्र मोदीले चिनियाँ राष्ट्रपति सी जिनपिङ र रुसी राष्ट्रपति भ्लादिमिर पुटिनसँग भेट भएको तस्बिर सार्वजनिक गरेका छन् ।

सोमबार आयोजित फोटो सेसनमा भाग लिएको मोदीले त्यसपछि पुटिन र जिनपिङसँग भेटेर विभिन्न विषयमा छलफल गरेका थिए। यस भेटघाटले तीन देशबीचको त्रिपक्षीय कूटनीतिक सम्बन्धलाई अझ स्पष्ट बनाएको बताइएको छ।

भेटवार्ताको क्रममा मोदी र पुटिनबीच अँगालो साटासाट भएको थियो। केही समयपछि मोदीले एससीओ बैठकलाई सम्बोधन गर्ने कार्यक्रम रहेको छ । उनी पुटिनसँग अलग द्विपक्षीय वार्तामा पनि सहभागी हुनेछन्।