काठमाडौं । सुनको मूल्यमा दैनिक नयाँ रेकर्ड बन्न थालेको छ । नेपाली बजारमा आज सुनको मूल्य प्रतितोला २ लाख ५ हजार ३ सय रुपैयाँ पुगेको छ।

शुक्रबार २ लाख ६ सय रुपैयाँ पुगेको सुन आइतबार ३ हजार बढेर २ लाख ३ हजार ६ सय पुग्यो । यी दुवै दिन सुनको मूल्यले नयाँ उचाइ लिएको थियो ।

आज सोमबार फेरि २ हजार बढेसँगै अर्को नयाँ रेकर्ड बनेको छ । आज सुनको मूल्य प्रतितोला २ लाख ५ हजार ३ सय रुपैयाँमा कारोबार भएको नेपाल सुनचाँदी व्यवसायी महासंघले जनाएको छ ।

अघिल्लो दिन प्रतितोला २४ सय २५ रुपैयाँ रहेको चाँदी आज २४ सय ७० रुपैयाँ पुगेको छ ।