नारायण थापाको नयाँ गीत ‘माया मारिगयौ’ सार्वजनिक (भिडियो)
नागरिक प्रेस १५ भदौ २०८२
काठमाडौं । विगत २ दशक भन्दा बढी समयदेखि नेपाली गीत सङ्गीतमा सक्रिय चर्चित गायक नारायण थापाको आवाजमा रहेको नयाँ गीत ‘माया मारि गयौ’ सार्वजनिक भएको छ।
पिटर दर्नालको शब्द विशाल, निरौलाको सङ्गीत तथा एरेन्ज र रञ्जन राईको मिक्सिङ मास्टरिंग रहेको गीतमा सुशान्त ढकाल र एलिना गुरुङ लगायत कलाकारको अभिनय रहेको छ ।
गीतमा दीपक गिरीको छायाङ्कन, राकेश दाहालको सम्पादन र राजीव समरको निर्देशन रहेको छ।
पछिल्लो समय गीत रेकर्डिङ मेला महोत्सव लगायत विभिन्न साङ्गीतिक कार्यक्रमहरूमा व्यस्त गायक नारायण थापाको अजम्बरी-२०७२,परिवेश २०७७, र आकर्षण-२०७९ गरी तिन ओटा गीति सङ्ग्रह सार्वजनिक भैसकेको छ ।
उनको चौथो गीति सङ्ग्रह आभूषणका गीतहरूको रेकर्डिङ अन्तिम चरणमा पुगेको छ। लोक, पप, आधुनिक र फिल्मी सबै प्रकारका गीतहरुमा फिट गायक थापाको मायाले, बनैमा फुल्ने, वरपीपल खतरा हलानि लगायत १ दर्जन गीतहरू बजारमा आउने क्रममा रहेको छ । उनका आधा दर्जन भन्दा बढी गीतहरू रेकर्डिङको क्रममा रहेका छन्।
गीतको भिडियो हेर्नुस्
