काठमाडौं । प्रधानमन्त्री केपी शर्मा ओलीले चीनका राष्ट्रपति सी जिन पिङको निमन्त्रणामा आँफू चीनमा जान लागेको बताएका छन् । प्रतिनिधिसभा बैठकमा सम्बोधन गर्दै उनले आफू यहि भदौ १४ गतेदेखि १८ गतेसम्म चीन जान लागेको जानकारी गराए ।

चीनमा हुने शाङ्घाइ शिखर सम्मेलनमा सहभागी हुन लागेका प्रधानमन्त्रीले चीनका राष्ट्रपति पिङसँग भेट गर्ने जानकारी दिए । प्रधानमन्त्री ओली सम्मेलनमा सहभागी भएर रेलमार्फत भदौ १७ गते बेइजिङ जानेछन् ।

भ्रमणका क्रममा आफूले चीन र रुसका साथै भियतनाम, माल्दिभ्स, लाओ पिपुल्स, कम्बोडियाका राष्ट्र प्रमुख र सरकार प्रमुखसँग साइडलाइन वार्ता गर्ने कार्यक्रम तय भएको उनले जानकारी गराए ।