डडेल्धुरा । डडेल्धुराको दुर्गम क्षेत्र नवदुर्गा गाउँपालिका–५ को चौडमा जिप दुर्घटना हुँदा चार जनाको घटनास्थलमै मृत्यु भएको छ भने ६ जना घाइते भएका छन् ।

से १ ज ७३८ नम्बरको जीप दुर्घटनामा हुँदा नवदुर्गा-५ का १८ वर्षीय सुरेश साउद, २३ वर्षीय सुरेश पार्की, ४० वर्षीया तारा अवस्थी र ७२ वर्षीया कलावती साउदको मृत्यु भएको प्रहरीले जनाएको छ । मृतकहरुको शव परीक्षणका लागि डडेल्धुरा अस्पताल पठाइएको छ ।

दुर्घटनामा परि घाइते हुनेमा नवदुर्गा-५ बस्ने १८ वर्षीया सुशीला विक, चार वर्षीया बालिका प्रतिका पार्की, ४८ वर्षीय चन्द्रबहादुर साउद, जीप चालक ३५ वर्षीय रामबहादुर साउदसहित अन्य दुई जना रहेको प्रहरीले जनाएको छ ।

घाइतेहरुको उपचार भइरहेको र घाइतेमध्ये चालक रामबहादुर साउद र सुशीला विकको अवस्था गम्भीर रहेको प्रहरीले जनाएको छ ।