सिन्धुपाल्चोक । बाह्रबिसे-कोदारी लोकमार्गको कोदारीस्थित ‘इको पहिरो’ सडक खण्डमा पहिरो गएपछि सडक फेरि बन्द भएको छ । तीन सातासम्म बन्द भएर खुलेको सडक भासिँदै गएपछि पुन: बन्द भएको हो ।

सडक बन्द भएसँगै चीनबाट आयात गरिएका सामान बोकेका मालवाहक कन्टेनर, अन्य सवारी साधन अलपत्र परेका छन् ।

दुई दिन अघि आएको सामान्य वर्षातले पनि सडक भासिन थालेपछि मालवाहक कन्टेनर, अन्य सवारी साधान बन्द भएका हुन् । माथिबाट बगिरहेको पहिरो र तल भोटेकोशी नदीको बहावले सडक तान्ने क्रम रोकिएको छैन । सडक करिब १५ मिटरभन्दा बढी भासिएको छ । भासिँदै गएको सडक मर्मत सुधार गरिँदैछ ।

यस्तै पहिरोले बस्ती तान्ने जोखिम बढेर बढेपछि ५० घरभन्दा बढीका स्थानीयहरु घर छाडेर राजधानी, बाह्रबिसे बजार लगायतका स्थानमा बस्न थालेका छन् ।