काठमाडौं। नेपाली कांग्रेसले राज्य व्यवस्था तथा सुशासन समितिको सभापति ईश्वरी न्यौपानेलाई बनाउने निर्णय गरेको छ।

सभापति शेरबहादुर देउवाको निवास बुढानिलकण्डमा बसेको पदाधिकारी बैठकले न्यौपानलेलाई सभापति बनाउने निर्णय गरेको हो।

सभापति रामहरि खतिवडाले राजीनामा दिएपछि रिक्त उक्त पदमा कांग्रेसले न्यौपानेलाई जिम्मेवारी दिने भएको हो ।

संसदीय सुनुवाइ समिति सभापति रहेकी न्यौपानेलाई उक्त पदबाट राजीनामा गराएर राज्य व्यवस्था समितिको सभापति बनाउन लागिएको हो ।

सभापति शेरबहादुर देउवा निवास बुढानीलकण्ठमा बसेको शीर्ष पाँच नेताको बैठकले न्यौपानेको नाममा सहमति जुटाएको हो । समिति सभापतिका लागि आज मनोनयन र भोलि मतदानको समय तोकिएको छ ।