काडमाडौं । नेकपा एमाले सांसद रघुवीर महासेठले सौर्य एयरलाइन्स दुर्घटनाको छानविनका लागि न्यायिक छानविनको जरुरी रहेको बताएका छन् ।

२०८१ साल साउन ९ गते बुधवार काठमाडौंबाट पोखराका लागि उडेको सौर्य एयरलाइन्सको नाइनएन एएमई विमान त्रिभूवन अन्तर्राष्ट्रिय विमानस्थलसरकारले सौर्य एयरलाइन्सको विमान दुर्घटना भएको थियो ।

सरकारले नेपाल नागरिक उड्डयन प्राधिकरणका पूर्वमहानिर्देशक रतिशचन्द्रलाल सुमनको संयोजक रहने गरी सदस्यमा नेपाल वायुसेवा निगमका क्याप्टेन दीपुराज ज्वारचन, डा.सुदीप भट्टराई, सञ्जय अधिकारी, मुकेश डङ्गोल सदस्यसहितको आयोग गठन गरेको थियो ।

उनले भने, ‘न्यायिक छानविनको जरुरी व्यक्तिगत रुमपा मैले पनि देखेको छु । किनभने जुन छानविनको प्रतिवेदन प्रश्तुत भएको छ, अन्तिम बैठकमा छलफल पनि गरेका छौँ । त्यो वास्तवमा एउटा विवादित र त्यहाँनेर सम्बन्धित विमान कम्पनीलाई बचाउन सकभर त्यसमा निकै कोशिस गरिएको छ । यसलाई निष्पक्ष प्रतिवेदन मान्न सकिँदैन । त्यसैले न्यायिक छानविनको आवश्यकता छ र यो हामीले समितिबाट माग गर्नुपर्छ । अहिलेसम्म नेपालमा यति दुर्घटना भएपनि आजसम्म फौजदारी मुद्दामा प्रवेश गरेका छैनौँ । त्यसैले यसपालि यस समितिबाट सरकार भनेको हाम्रो मन्त्रालयलाई फौजदारी मुद्दामा अघि बढ्न निर्देशन दिऔँ । त्यसबाट भावी दिनमा विमान कम्पनीहरुले डराउनसक्छन् । केयरनेस गर्दा फौजदारी अभियोग लाग्नसक्छ भनेर सचेत होस् ।’0

सांसद महासेठले समितिबाट कारबाहीको लागि माग गर्नुपर्ने बताए ।