विश्वकीर्तिमानी क्रिकेटर दीपेन्द्रसिंह ऐरीलाई प्रहरीले गर्यो बढुवा
नागरिक प्रेस १८ असोज २०८०
काठमाडौं -विश्व कीर्तिमान कायम गर्न सफल राष्ट्रिय क्रिकेट टोलीका अलराउन्डर दीपेन्द्रसिंह ऐरी लाई नेपाल प्रहरीले प्रहरी जवानबाट सहायक हवल्दारमा बढुवा गरेको छ ।
चीनको हाङझाउमा भएको १९ औं एसियाली खेलकुद प्रतियोगिता पुरुष क्रिकेट अन्तर्गत उनले विश्व कीर्तिमान कायम गर्न सफल भएका थिए।
यही असोज १० गते भएको नेपाल र मङ्गोलियाबीचको खेलमा खेलाडी ऐरीले नौ बलमा अर्धशतक प्रहार गर्दै विश्व कीर्तिमान कायम गरेका थिए ।
उनले नौ बल खेल्दा आठ छक्का र एक बलमा दुई रन लिँदै नौ बलमा अर्धशतक पूरा गरेर कीर्तिमान कायम गरेका थिए ।
यसअघि यो कीर्तिमान भारतीय खेलाडी युवराज सिंहको नाममा थियो ।
विश्व कीर्तिमान कामय गरेका खेलाडी ऐरी २०७३ सालदेखि नेपाल प्रहरीमा आबद्ध छन् ।
लोकप्रिय
Facebook मा लगइन गरेर प्रतिक्रिया दिनुहोस्