काठमाडौं- नेपाली कांग्रेसका महामन्त्री गगन थापालाई सभापति शेरबहादुर देउवाले केक खुवाएर जन्मदिनको खुसियालि मनाएका छन्।

पार्टी कार्यालय सानेपामा केन्द्रीय समिति बैठक स्थगित गरेलगत्तै देउवाले थापालाई केक खुवाएका थिए।

पार्टीका पदाधिकारी र केन्द्रीय सदस्यहरुले थापालाई खादा लगाएर जन्मदिनको शुभकामना दिए।

महामन्त्री थापाको जन्मदिनलाई कांग्रेसले आधिकारिक फेसबुक पेजमा लाइभ गरेको थियो। जन्मदिन मनाउने क्रममा ‘ह्याप्पी बर्थ डे टु यु’ गीत बजाइएको थियो ।